حأجيب كرسى بحر...

حأجيب كرسى بحر... 
وأقعد فى طلعت حرب...
الميدان ده بعده ميدان... 
أسير وآسر... 
والشارع يا مكشر يا مسطول... 
والشاب من دول لو يطول... 
يشيل التكشيرة... 
بدل الجرى ورا تأشيرة... 
لكن ما باليد حيلة... 
مش فارقة مرشد من مشيرة... 
لسا الجهل فى العقول... 
والفالحة بتسيب العريس يغور... 
والمصرى بره بيدور على فول...
سيبك أنت، أحنا برضك الأصل... 
مسيرنا نعرف الطريق... 
ونقتل الوحش ونجيب الحل... 
لفزورة مش راضية تتحل... 
مرض وفقر وجهل... 

بس نستحمل... 
أنا طولت... 
شكلى خدت ضربة شمس... 
بس عارف... 
حتوحشنى الشمس... 
حتى لو مافيش سحاب... 
حتوحشنى الصياعة والطفولة... 
والصحاب...

والأهل والقهاوي... 
مع إنى مرواحها ما كنت غاوى... 

ما أنا هابقى مداري...

يا تربة يا زنزانة يا مطار...
والمعز والسحيمى... 
تصدق ما دخلته... 
طول عمرى عنه سامع... 
وأغمض عينى وأشوف...
قبب ومآذن وصوامع... 
القاهرة مثل للقريب والبعيد... 
بنوها  للأجيال ذكرى...

معملوش حسب بكرة...

أخرتها كرسي وشيشة وجوز سياح...

متخفش من بكرة...

ده في صفك...

وإنت شاب...

يا في الجتة يا في القلب...

والظلم مهما يكون عفي...

برضه غشيم...

بس قول يا رب...